தில்லியில் மு.க.ஸ்டாலின்: ஆ.இராசா உள்ளிட்ட அமைச்சர்கள் வரவேற்பு

புதுதில்லி:​

தில்லியில் நடைபெறும் முதல்வர்கள் மாநாட்டில் கலந்து கொள்ள வந்த துணை முதல்வர் மு.க.ஸ்டாலினை வெள்ளிக்கிழமை ஆ.ராசா உள்ளிட்ட மத்திய அமைச்சர்கள் வரவேற்றனர்.

பிரதமர் மன்மோகன் சிங் தலைமையில் விலைவாசி உயர்வைக் கட்டுப்படுத்த மேற்கொள்ள வேண்டிய நடவடிக்கைகள் குறித்து இன்று நடைபெறும் மாநாட்டில் விவாதிக்கப்பட உள்ளன.

இந்த மாநாட்டில் முதல்வர் கருணாநிதி சார்பில் மு.க.ஸ்டாலின் பங்கேற்றுள்ளார் .​ இதற்காக தில்லி வந்த ஸ்டாலினுக்கு விமான நிலையத்தில் மத்திய அமைச்சர்கள் ஆ. ராசா, தயாநிதி மாறன், நெப்போலியன், நாடாளுமன்ற திமுக குழுத் தலைவர் டி.ஆர். பாலு, தமிழக அரசின் தில்லி பிரதிநிதி கம்பம் செல்வேந்திரன் உள்ளிட்டோர் வரவேற்பு அளித்தனர்.