பெரம்பலூரில் புதிய சமத்துவபுரம்: ஆ.இராசா தலைமையில் ஸ்டாலின் திறந்தார்

அரியலூர் மாவட்டம் நடுவலூரில் ரூ.2.29 கோடியில் கட்டப்பட்ட சமத்துவபுரத்தை துணை முதல்வர் மு.க.ஸ்டாலின் திறந்து வைத்தார். மத்திய அமைச்சர்கள் ஆஇராசா, நெப்போலியன், மாநில அமைச்சர் செல்வராஜ், சட்டப் பேரவை உறுப்பினர்கள் சிவசங்கர், பாளை.அமரமூர்த்தி, மாவட்ட ஆட்சியர் ஆபிரகாம் ஆகியோர் உடனிருந்தனர். உள்படம்: சமத்துவபுரம்.
...................................................................................................................................................
பெரம்பலூர்:
பெரம்பலூரில் பெரியார் நினைவு சமத்துவபுர திறப்பு விழா, மகளிர் சுயஉதவிக் குழுக்களுக்கு சுழல்நிதி வழங்கும் விழா, அரசு மருத்துவக்கல்லூரி உள்ளிட்ட பல்வேறு வளர்ச்சித் திட்டப்பணிகளுக்கு அடிக்கல் நாட்டு விழா, புதிய கட்டடங்கள், மேம்பாலங்கள், மாவட்ட விளையாட்டு மைதானம், சிறுவர் பூங்கா ஆகியவற்றிற்கான திறப்புவிழா மற்றும் அரசு நலத்திட்ட உதவிகள் வழங்கும் விழா மாவட்ட ஆட்சியர் அலுவலக பெருந்திட்ட வளாகத்தில் நடைபெற்றது.

மத்திய தொலைத் தொடர்பு மற்றும் தகவல் தொழில் நுட்ப துறை அமைச்சர் ஆ.இராசா தலைமை வகித்தார். மாவட்டத் திட்ட அலுவலர் அமல்ராஜ் வரவேற்றார். மத்திய சமூக நீதி மற்றும் அதிகாரமயமாக்கல்துறை இணை அமைச்சர் நெப்போலியன், வனத்துறை அமைச்சர் செல்வராஜ் ஆகியோர் முன்னிலை வகித்தனர். வளர்ச்சித் திட்டப் பணிகளுக்கு அடிக்கல் நாட்டி, புதிய கட்டடங்களை துணை முதல்வர் மு.க.ஸ்டாலின் தொடக்கினார்.

Read more...

அண்ணா நினைவு நாள் பேரணி : ஆ.இராசா பங்கேற்பு

அண்ணா நினைவு நாளையொட்டி சென்னையில் தி.மு.க. சார்பில் பேரணி நடைபெற்றது.
சேப்பாக்கத்திலுள்ள தமிழக முதல்வர் கலைஞரின் சட்டப் பேரவை உறுப்பினர் கட்டத்தின் முன்னிருந்து தொடங்கிய பேரணி அண்ணா நினைவிடத்தில் நிறைவுற்றது. இதில், முதல்வர் கலைஞர், துணை முதல்வர் மு.க.ஸ்டாலின், மாநில அமைச்சர்கள் அன்பழகன், துரைமுருகன், ஆர்க்காடு வீராச்சாமி மற்றும் மத்திய அமைச்சர் ஆ.இராசா உட்பட ஏராளமானோர் கால்ந்துகொண்டனர்.

Read more...

ஏப்ரல் இறுதிக்குள் 38 நகரங்களில் 3 ஜி சேவை : அமைச்சர் ஆ.இராசா தகவல்

கோவை:
கோவையில், பிஎஸ்என்எல் சார்பில் 3 ஜி செல்போன் சேவை தொடக்கவிழா நடந்தது.

பிஎஸ்என்எல் தமிழ்நாடு வட்ட தலைமை பொது மேலாளர் வரதராஜன் வரவேற்றார். தலைவர் மற்றும் நிர்வாக இயக்குனர் குல்தீப் கோயல் விளக்க உரையாற்றினார். 3ஜி சேவையை, மத்திய தகவல் தொழில்நுட்பத் துறை அமைச்சர் ஆ.இராசா தொடக்கி வைத்து, ஊட்டியில் இருந்த தமிழக கதர் துறை அமைச்சர் இராமச்சந்திரனிடம் 3ஜி செல்போனில் பேசினார்.

இந்த விழாவில், ஆ.இராசா பேசுகையில்,
நம் நாட்டில் 3ஜி அலைவரிசை, இராணுவம் மற்றும் விமான இயக்கத்தில் மட்டும் பயன்படுத்தப்பட்டு வந்தது. முதல்முறையாக, பொது மக்கள் பயன்பாட்டுக்கு பிஎஸ்என்எல் அறிமுகம் செய்துள்ளது. 3ஜி சேவை மூலம், கோவை மாவட்டத்தில் முதல்கட்டமாக 78,000 இணைப்புகளும், நீலகிரி மாவட்டத்தில் 18 ஆயிரம் இணைப்புகளும் வழங்கப்பட உள்ளது. அடுத்தமாதத்தில், திருப்பூர், ஈரோடு, அரியலூர், பெரம்பலூர், திருச்சி, அதைத்தொடர்ந்து மதுரை மற்றும் புதுச்சேரியில் இச்சேவை தொடங்கப்படும். ஏப்ரல் இறுதிக்குள் தமிழ்நாட்டில் 38 நகரங்களில் இச்சேவை வழங்கப்பட்டு விடும்.

இப்போது, ஒரு பல்கலைக்கழகத்தில் கருத்தரங்கு, ஆய்வரங்கு போன்றவை நடந்தால், அனைத்து பல்கலை. மாணவர்களும் பயன் அடையும் வகையில் புதிய திட்டம் தயாரிக்கப்பட்டுள்ளது. இதன்படி, பல்கலைக்கழகங்கள் ஆன்லைனில் இணைக்கப்படும். இத்திட்டத்துக்கு ரூ.6 ஆயிரம் கோடி செலவிடப்பட உள்ளது. இதற்கு மத்திய அமைச்சரவை ஒப்புதல் அளித்துள்ளது என்று கூறினார்.

Read more...

வெலிங்டன் பகுதிக்கு திட்டங்கள் கிடைக்க நடவடிக்கை: ஆ.இராசா

வெலிங்டன் இராணுவ முகாமில் மாற்று திறன் உடையோருக்கு இலவச உபகரண பொருட்கள் வழங்கும் விழா நடந்தது. இதில், மத்திய அமைச்சர் ஆ.ராசா கலந்துகொண்டு பயனாளிகளுக்கு உபகரண பொருட்களை வழங்கினார். மத்திய சமூகநீதித்துறை இணை அமைச்சர் நெப்போலியன், மாநில கதர் வாரியத்துறை அமைச்சர் ராமச்சந்திரன் ஆகியோர் உடனுள்ளனர்.
.................................................................................................................................................................

குன்னூர்:

நீலகிரி மாவட்டம் வெலிங்டன் இராணுவ முகாமில் மாற்று திறன் உடையோருக்கு இலவச உபகரண பொருட்கள் வழங்கும் விழாநடந்தது. மத்திய சமூக நீதித்துறை அமைச்சகம், தேசிய பார்வை குறைபாடுள்ளோர் அமைப்பு, பாரத செயற்கை உறுப்புகள் தயாரிப்போர் சங்கம் சார்பில் ரூ.20 இலட்சம் மதிப்பிலான உபகரண பொருட்கள், பயனாளிகளுக்கு வழங்கப்பட்டது.

இந்த நிகழ்ச்சிக்கு வெலிங்டன் ராணுவ முகாம் கமாண்டர் பிரிகேடியர் ஜாதவ் தலைமை வகித்தார். கதர் வாரியத்துறை அமைச்சர் ராமச்சந்திரன், குன்னூர் சட்டப் பேரவை உறுப்பினர் சவுந்திர பாண்டியன், மாவட்ட ஆட்சியர் ஆனந்த ராவ் விஷ்ணு பாட்டீல் ஆகியோர் முன்னிலை வகித்தனர்.
மத்திய தகவல் மற்றும் தொலை தொடர்பு துறை அமைச்சர் ஆ.ராசா,.சிறப்பு விருந்தினராக பங் கேற்று உபகரண பொருட் களை வழங்கினர்.

இந்நிகழ்ச்சியில் மத்திய அமைச்சர் ஆ.ராசா பேசுகையில்,
இராணுவம் சார்பில் முன்னாள் இராணுவ வீரர்கள், போரில் உயிரிழந்தோரின் குடும்பத்தினருக்கு இம்முகாம் மூலம் உதவி வழங்கப்படுகிறது. உடல் குறைபாடுகளை நிவர்த்தி செய்ய விஞ்ஞானம் மற்றும் ஆராய்ச்சி அதிகளவில் வளர்ந்துள்ளது. வெலிங்டன் பகுதி மக்களுக்கு மத்திய, மாநில அரசுகளின் பல்வேறு நல திட்ட உதவிகள் கிடைக்க பெறவில்லை என்று கன்டோன்மென்ட் போர்டு திமுக உறுப்பினர்கள் தெரிவித்துள்ளனர்.
இதுகுறித்து இராணுவ முகாம் கமாண்டர், கதர் வாரியத்துறை அமைச்சர், கலெக்டரிடம் ஆலோசனை செய்து உரிய நடவடிக்கை எடுக்கப்படும் என்று தெரிவித்தார்.

Read more...

தொழில் தொடங்குவது பற்றி ஆ.ராசாவுடன் ஜப்பான் அமைச்சர் சுகிரோ ஆலோசனை

இந்தியாவில் தொழில் தொடங்குவது தொடர்பாக ஜப்பான் நாட்டின் அமைச்சர் சுகிரோ, மத்திய அமைச்சர் ஆ.இராசாவுடன் முக்கிய ஆலோசனை நடத்தினார்.

தில்லி வந்துள்ள ஜப்பான் நாட்டின் தகவல் தொழில்நுட்பத் துறை அமைச்சர் சுகிரோ, இந்திய தகவல் தொழில்நுட்பம் மற்றும் தொலைத் தொடர்பு துறை அமைச்சர் ஆ.இராசாவை சந்தித்துப் பேசினார். அப்போது, இந்தியாவில் தொழில்நுட்பத் துறையில் தொழில் தொடங்குவது குறித்து அவர் ஆலோசனை நடத்தினார்.

பின்னர் செய்தியாளர்களிடம் பேசிய அமைச்சர் ஆ.இராசா, “தகவல் தொடர்பு தொழில்நுட்பம் குறித்து ஜப்பான்இரு நாடுகளுக்கு இடையிலான தொலைத் தொடர்பு குறித்த புதிய ஒப்பந்தங்கள், புரிந்துணர்வு ஒப்பந்தங்கள் எவ்வாறு ஏற்படுத்தலாம், எவ்வாறு நடைமுறைப்படுத்தலாம் என்றும், குறிப்பாக, நான்கான் தலைமுறை தொழில்நுட்பத்திற்கான உற்பத்தி சாதனங்களை வெகு விரைவாக உற்பத்தி செய்து, ஜப்பான் நாட்டில் இருந்து இந்தியாவுக்கு இறக்குமதி செய்வதற்கும், அது தொடர்பாக பூர்வாங்க ஆலோசனைகள் நடைபெற்றது” என்று கூறினார்.

ஜப்பான் அமைச்சர் சுகிரோ பேசுகையில், “ இந்தியாவில் ஜப்பான் முதலீடு 10 மடங்கு அதிகரித்துள்ளது. தகவல் தொழில்நுட்பத் துறையில் இரு நாடுகளுக்கும் இடையே ஒத்துழைப்பு அதிகரிக்க நடவடிக்கைகள் எடுக்கப்படும்” என்று கூறினார்.

இந்த ஆலோசனைக் கூட்டத்திற்கு பின்னர் ஜப்பான் அமைச்சர் சுகிரோ மும்பைக்குச் சென்று பிரபல தொழில் அதிபர்களுடன் ஆலோசனை நடத்துகிறார்.

Read more...

காமன்வெல்த் சபாநாயகர்கள் மாநாடு நினைவு அஞ்சல்தலை வெளியீடு: அமைச்சர் ஆ.இராசா பங்கேற்பு

காமன்வெல்த் நாடுகளின் சபாநாயகர்கள் மற்றும் அவைத் தலைவர்களின் 20- ஆவது மாநாட்டையொட்டி அஞ்சல் தலை ஒன்றை பிரதமர் டாக்டர் மன்மோகன் சிங் புது தில்லியில் வெளியிட்டார். மக்களவைத் தலைவர் மீரா குமார், மத்திய தொலைத் தொடர்பு மற்றும் தகவல் தொழில்நுட்பத் துறை அமைச்சர் ஆ இராசா ஆகியோரும் கலந்துகொண்டனர்.
.........................................................................................................................................................................

புதுதில்லி:

காமன்வெல்த் நாடுகளின் சபாநாயகர்களின் 20-ஆவது மாநாட்டையொட்டி அஞ்சல் தலை ஒன்றை பிரதமர் மன்மோகன் சிங் வெளியிட்டார். இதனை அமைச்சர் ஆ.இராசா வழங்கினார்.

புது தில்லியில் காமன்வெல்த் நாடுகளின் சபாநாயகர்களின் 20-ஆவது மாநாடு நடைபெற்றது. இந்த மாநாட்டையொட்டி அஞ்சல் தலை ஒன்றை பிரதமர் மன்மோகன் சிங் வெளியிட்டார். அங்கு வெளியிடப்பட்ட இந்த அஞ்சல் தலையை மத்திய தொலைத் தொடர்பு மற்றும் தகவல் தொழில்நுட்பத் துறை அமைச்சர் ஆ இராசா வழங்கினார்.

இந்த மாநாட்டில் இந்திய நாடாளுமன்றத்தின் அவைத் தலைவர் மீரா குமார் உட்பட காமன்வெல்த் நாடுகளின் சபாநாயகர்கள் மற்றும் அவைத் தலைவர்கள் பங்கேற்றனர்.

Read more...

சத்திய மங்கலத்தில் சார்பு நீதிமன்றம் - அமைச்சர் ஆ.ராசாவுக்கு நன்றி

ஈரோடு மாவட்டம் சத்தியமங்கலத்தில் சார்பு நீதிமன்றம் அமைக்க பொதுமக்கள் தமிழக அரசுக்கு நீண்ட காலமாக கோரிக்கை விடுத்து வந்தனர். நீலகிரி தொகுதியில் நாடாளுமன்ற உறுப்பினராக தேர்ந்தெடுக்கப்பட்ட ஆ.ராசா, மக்களின் கோரிக்கை குறித்து தமிழக சட்டத் துறை அமைச்சர் துரைமுருகன் மற்றும் முதலமைச்சர் மு.கருணாநிதி ஆகியோரின் கவனத்துக்கு கொண்டு சென்று, நீதிமன்றம் அமைப்பது தொடர்பாக பரிந்துரை செய்தார். இப்போது சத்தியமங்கலத்தில் சார்பு நீதிமன்றம் அமைக்க அரசு உத்தரவிட்டுள்ளது.

இதற்காக தமிழாக முதல்வர் கலைஞ்சர் மு.கருணாநிதி, சட்டத்துறை அமைச்சர் துரைமுருகன், நடுவண் அமைச்சர் ஆ.ராசா ஆகியோருக்கு ஈரோடு மாவட்ட தி.மு.க. பொறுப்பாளர் என்.கே.கே.பெரியசாமி, சட்டப் பேரவை உறுப்பினர்கள் எல்.பி.தருமலிங்கம், ஊ.சுப்பிரமணியம் ஆகியோர் அப்பகுதி மக்கள் சார்பில் நன்றி தெரிவித்துள்ளனர்.

Read more...